రుద్ర కవచమ్

రుద్ర కవచమ్

 అస్యశ్రీరుద్రకవచ స్తోత్ర మహామంత్రస్య దుర్వాసాఋషిః అనుష్టు ప్ఛందః త్ర్యంబక రుద్రో దేవతా ఓం బీజం హ్రీం శక్తిః క్రోం కీలకం మమ మనోభీష్ట సిద్ధ్యర్థే జపే వినియోగః హ్రామిత్యాది షడ్దీర్ఘై ష్షడంగన్యాసః ధ్యానమ్ : శాన్తం పద్మాసనం శశిధరమకుటం పంచవక్త్రం త్రినేత్రమ్ / శూలం వజ్రం చ ఖడ్గం పరుశమభయదం దక్షభాగే వహస్తమ్ // నాగంపాశం చ ఘణ్ణాం ప్రళయహుతవహం సాంకుశం వామభాగే / నానాలంకారయుక్తం స్ఫటిక మణినిభం పర్వతీశం నమామి // దుర్వాసా ఉవాచ : ప్రణమ్య శిరసా దేవం స్వయంభుం పరమేశ్వరమ్ / ఏకం సర్వగతం దేవం సర్వదేవమయం విభుమ్ // రుద్రవర్మ ప్రవక్ష్యామి అంగప్రాణస్య రక్షయే / అహోరాత్రమయం దేవం రక్షార్థం నిర్మితం పురా // రుద్రో మే చాగ్రతః పాతు పాతు పర్శ్వౌ హర స్తథా / శిరో మే ఈశ్వరః పాతు లలాటం నీలలోహితః // నేత్రయోస్త్ర్యంబకః పాతు ముఖం పాతు మహేశ్వరః / కర్ణయోః పాతు మే శంభుర్నాశికాయాం సదాశివః // వాగీశః పాతు మే జిహ్వా మోష్ఠౌ పాత్వంబికాపతిః / శ్రీకంఠః పాతు మే గ్రీవాం బాహూంశ్చైవ పినాకధృత్ // హృదయం మే మహాదేవ ఈశ్వరీవ్యాత్ స్తనాంతరమ్ / నాభిం కటిం సవక్షశ్చ పాతు శర్వ ఉమాపతిః // భాహుమధ్యాంతరం చైవ సూక్ష్మరూప స్సదాశివః / సర్వం రక్షతు సర్వేశో గాత్రాణి చ యథాక్రమమ్ // వజ్రశక్తిధరం చైవ పాశాంకుశధరం తథా / గండశూలధరం నిత్యం రక్షతు త్రిదశేశ్వరః // ప్రస్థానేషు పదే చైవ వృక్షమూలే నదీతటే / సంధ్యాయాం రాజభవనే విరూపాక్షస్తు పాతుమామ్ // శీతోష్ణా దథ కాలేషు తుహిన ద్రుమకంటకే / నిర్మనుష్యే సమేమార్గే త్ర్ర్హి మాం వృషభధ్వజ // ఇత్యేత ద్రుద్రకవచం పవిత్రం పాపనాశనమ్ / మహాదేవ ప్రసాదేన దుర్వాసో మునికల్పితమ్ // మమాఖ్యాతం సమానేనన భయం విందతి క్వచిత్ / ప్రాప్నోతి పరమారోగ్యం పుణ్య మాయుష్యవర్ధనమ్ // విద్యార్థీ లభతే విద్యాం దనార్థీ లభతే ధనమ్ / కన్యార్థీ లభతే కన్యాం నభయం విందతే క్వచిత్ // అపుత్రో లభతే పుత్రం మోక్షార్థీ మోక్షమాప్నుయాత్ / త్రాహి త్రాహి మహాదేవ త్రాహి త్రాహి త్రయామయ // త్రాహి మాం పార్వతీనాథ త్రాహి మాం త్రిపురాంతక / పాశం ఖట్వాంగదివ్యాస్త్రం త్రిశూలం రుద్రమేవచ // నమస్కరోమి దేవేశ త్రాహి మాం జగదీశ్వర / శత్రుమధ్యే సభామధ్యే గ్రామమధ్యే గృహాంతరే // గమనాగమనే చైవ త్రాహి మాం భక్తవత్సల / త్వం చిత్తం త్వం మానసం చ త్వం బుద్ది స్త్వం పరాయణమ్ // కర్మణా మనసాచైవ త్వం బుద్ధిశ్చ యథా సదా / జ్వరభయం ఛింది సర్వజ్వరభయం ఛింది గ్రహభయం ఛింది // సర్వశత్రూన్ని వర్త్యాపి సర్వవ్యాధి నివారమ్ / అస్యరుద్రలోకంసగచ్ఛతి శ్రీ రుద్రలోకంసగచ్ఛత్యోన్నమ ఇతి // ఇతి శ్రీ స్కాందపురాణే దుర్వాసః ప్రోక్తం శ్రీ రుద్రకవచమ్.